Marganc

Margancan tukuižed ühten kubižen santimetran kohtha

Šablon:Himine element Marganc (Mn — manganum latinan kelel) om 25nz' himine element himižiden elementoiden periodižes tabludes. Sen sijaduz om seičemendes gruppas (vanhtunuden klassifikacijan mödhe — seičemenden gruppan laptalagruppas, VIIB), tabluden nelländes periodas.

Ühthine ümbrikirjutand ​

Vl 1774 ročine Juhan Gotlib Gan-himik sai puhtast margancad ezmäižen kerdan pirolüzit-mineralan hilenke lämbitamižel päčiš. Sai rahahidenkeskešt manganum-nimed 19. voz'sadan augotišes. Vepsän nimi tuli elementan Šablon:Lang-ru-nimespäi, a se libui saksan kelen Manganerz-sanaspäi «marganckivend».

Marganc om levitadud londuses, 14nz' element i kahtenz' raudan jäl'ghe jüged metall Mas levigandusen mödhe (kaikuččed koume atomad kümnes tuhaspäi), no ei voi löuta sidä joudjas olendas. Kaimdab raudad kivendoiš päpaloin, sil-žo aigal om kivisuguid margancan dominiruindanke. Mülündmär merivedes om pen', 10⁻⁷..10⁻⁶ %, no sase 0,3 procenthasai valdmeren pohjanno, sil marganc sab konkrecijoid raudanke.

Marganc om ristitun organizman tarbhaižeks mikroelementaks. Sen varaduz ülemb märad om toksine, kucub keskuznervsisteman läžundoid.

Fizižed ičendad

Marganc om kova räbed hahkvauvaz metall. Element om paramagnetik. Sil om viž allotropišt modifikacijad: nell' kubiženke kristalliženke seglusenke i üks' tetragonaliženke.

Atommass — 54,93805. Ninevuz (normaližiš arvoimižiš) — 7,21 g/sm³. Suladandlämuz — 1519 K (1246 C°). Kehundlämuz — 2334 K (2061 C°).

Element kogoneb üks'jäižes stabiližes ⁵⁵Mn-izotopaspäi. Kaik toižed 25 izotopad oma ratud radioaktivižed 44..70 atommassanke, tetas mugažo seičeme izomärad. Niišpäi kaikiš hätkembad čihodajad oma ⁵³Mn (T_½=3,7 mln vozid), ⁵⁴Mn 312 päivest pol'čihodamižen pordonke i ⁵²Mn (5,59 päivest). Radioaktivižed izotopad hajetas protonižen i β-čihodamižen kal't, kändasoiš hromaks i vanadijaks, muite hromaks, vai raudaks.

Himižed ičendad

Reagiruib vedenke lämbitamižes. Absorbiruib vezinikad. Muigotandmärad: +7..−3, sidä kesken +2, +3, +4, +6 i +7 oleldas kaikiš paksumba.

Passiviruiše muigotandal il'mas. Margancan tuhk palab hapanikas:

$\mathrm{M}\mathrm{n}+\mathrm{O}{\phantom{A}}_2⟶\mathrm{M}\mathrm{n}\mathrm{O}{\phantom{A}}_2$

Marganc sädab gidrohapandust reakcijas ülälämbitadud vezipurunke, ahtištaden vezinikad (sen aigan sädajan margancan gidrohapandusen šoid vitkodab reakcijad):

$\mathrm{M}\mathrm{n}+2\mathrm{H}{\phantom{A}}_2\mathrm{O}\stackrel{{\phantom{A}}_{\phantom{}}^{\phantom{\circ }}{\phantom{A}}_{\phantom{2}}^{\phantom{2}\circ }\mathrm{t}}{\to }\mathrm{M}\mathrm{n}(\mathrm{O}\mathrm{H}){\phantom{A}}_2+\mathrm{H}{\phantom{A}}_2\uparrow$

Ei olele metallan reakcijoid mugliden segoiteses. Sulatadud marganc vastaimižpainab hil'nikanke säten karbidoid (oz., Mn₃C).

Marganc sädab nenid hapandusid: MnO, Mn₂O₃, MnO₂, MnO₃ (ei ole erigoittud joudjas olendas) i margancine angidrid Mn₂O₇.

Kävutand

Ottas kävutamižhe metallurgijas legiruimha terast i heitmaha rikid sišpäi. 12..13-procentine ližaduz terashe varmdab sidä somusen olendhasai, mugažo ližatas 20 procenthasai kaugedraudha samha «zerkolkaugedraudad». Kävutadas alüminijan ühthesuladusiš. Margancan hapanduz ottase portlandcementan ližaduseks.

Mail'man margancan kaikiš znamasižembad varad oma Suviafrikan Tazovaldkundas i valdmeren pohjas (raudanke ühtes). Sadas millionad tonnoid vodes. Om vähähkoks torhudeks Venämas, Usan löudmižsija om znamasižeks (70 mln tonnoid, Kemerovon agj, 60 km pohjoižhe Meždurečenskaspäi).

Irdkosketused

• Marganc webelements.com-saital. Šablon:Ref-en
• Kirjutuz margancas Himižiden elementoiden populärižes n-t.ru-kirjištos. Šablon:Ref-ru