Hi

Hi (Χ, χ, virkand Šablon:Lang-el, Šablon:Lang-grc) om grekan kirjamišton kahtenz'kümnenz' kahtenz' kirjam. Sättui amuižgrekan kelen kulund om [kʰ]. Nügüd'aigaižes grekan keles lugetas kirjant [x], edel [e̞]- i [i]-vokalid — palataline [ç] (kut saksan ich-sanas, erasti anglijan human- i hew-sanoiš).

Ei olend kirjant grekan kirjamišton aigaližiš variantoiš. Kirilline Х-kirjam augotižlibui grekan hi-kirjamespäi. Latinan X-kirjam libui etruskan X-kirjamespäi, se tuli päivlaskmaižiš amuižgrekan paginoišpäi i lugetihe niiš [ks].

Kävutand znamaks

Sur' Χ-kirjam voib znamoita:

• periferijan nerviden ristikoičend neiroanatomijas;
• kuti latinan X-kirjam-ki, ühtneb levitadud anglijan Raštvoiden Χmas-lühendushe.

Ottas kävutamižhe pen't χ-kirjant znamoičemha päpaloin nenid tärtusid:

• statistikas om ${\chi }^2$ — Pirsonan kožmusen kriterii;
• substancijan magnitine vasthaotmižičend;
• algebraižes topologijas χ(X) om X-avaruden Eileran harakteristik (kogonaine lugu).