Kacu tekst Lopmätomuz

{{1000}}{{A10000}}
[[Fail:Peanocurve.svg|thumb|right|250px|[[Fraktal]]an sauvomižen (avarudentäutai kover om sen röunaks) ezmäižed koume haškud ozutadas, miše üks'märaižen pirdan i kaks'märaižen avaruden čokkoimiden lugu om ühtejitte.]]
'''Lopmätomuz''' om ristitun meletandan kategorii, ottas kävutamižhe sidä harakterizuimha lopmätomid, röunatomid, amundamatomid premetoid da nägusid, ei voi ozutada röunoid vai kvantitativišt märad niiden täht. Kävutase vastal'žeks kaikele alištujale agjanke, röunanke i lugendale. Tedoidase sistemalusel matematikas, logikas i filosofijas, mugažo tedoitas küzundoid lopmätomuden vasthaotmižes, statusas i londuses psihologijan, teologijan i fizikan sferas.

Lopmätomuden tärtuz znamoičese <math>\infty</math>-simvolal, se kuvastab kaikiš koveritomambad [[Möbiusan lehtez|Möbiusan lehtest]] üks'pol'ženke pindanke.

Istorižikš lopmätomuden ezmäižed problemad oliba [[avaruz|avaruden]] i [[aig]]an, mail'man kaluiden lugumäran agjan olend. Koverikahambad problemad oma kontinuuman lopmätoman jagamižen voimuz, operiruindan lopmätomil objektoil voimuz (aktualižen lopmätomuden problem), [[agjatomašti pen' suruz|agjatomašti peniden suruziden]] (infinitezimaliden) londuz i ičtazvedand, lopmätomuden erazvuiččiden toižendoiden olend i niiden korreläcii. Lopmätomuden kaikiš süvemb tedoiduz tegese matematižes [[äjüziden teorii|äjüziden teorijas]].

Agjatomašti pened suruded (infinitezimalid) figuriruidas lopmätomiš potencialižešti processoiš, kudambad harakterizuišoiš polenijoil jäl'gendajašti suruzil, sen paloin kontinuuman jagandas paloikš, polenijoiš lugujäl'gendusiš, erasti — el'genduses mail'man vai tuntken atomarižes strukturas. Sätud Njutonan i Leibnical infinitezimaliden matematine ümbrikirjutand agjatomašti peniden suruziden lugendas kändihe [[analiz (matematikan jaguz)|matematižen analizan]] aluseks<ref>''Gordon Je. I., Kusrajev A. G., Kutateladze S. S.'' Инфинитезимальный анализ: избранные темы (Infinitezimaline analiz: valitud temad). — M.: Nauka, 2011. — 398 lp. — Lpp. 10−13. {{ref-ru}} ISBN 978-5-02-036137-9.</ref>.

== Homaičendad ==
<references />

{{stub}}
[[Kategorii:Lopmätomuz| ]]
[[Kategorii:Filosofižed terminad]]
[[Kategorii:Matematižed terminad]]
[[Kategorii:Matematižed objektad]]